2021 жылдың 15-16 сәуір аралығында Сулейман Демирель университетінің «Тілдік білім беру» кафедрасының ұйымдастыруымен «6B01701 – Қазақ тілі және әдебиеті» білім беру бағдарламасы бойынша, Қазақстан Республикасы жоғары оқу орындарының студенттері арасында ХІІІ Республикалық пән олимпиадасы өткізілді.

Олимпиада кезеңдері:

1- кезең. Эссе жазу. Қатысушы студенттердің шығармашылық қабілеті, танымдық ізденімпаздығы мен сауаттылығы бағаланды.

2-кезең. Қазақ тілі мен әдебиеті және әдістеме салалары бойынша теориялық сұрақтардан құралған тесттерге жауап беру.

3-кезең. Жоба қорғау. Студенттердің ғылыми-зертету дағдылары, сөйлеу мәдениеті пен педагогикалық шеберліктері анықталды.

Халықаралық Тараз инновациялық институтының атынан жоғары оқу орындарының ХІІІ Республикалық студенттік пән олимпиадасына 6B01701 – «Қазақ тілі және әдебиеті» білім беру бағдарламасы бойынша, 3 курс студенттері Тилеушова Асель Тулендиевна, Көшекбаева Ақбота Талғатқызы, Жаңабаева Құралай Ғаниқызы қатысты.

Ғылыми жетекшілері: «Филология» кафедрасының доценті, ф.ғ.к. Пертаева Эльмира Құлибайқызы, «Филология» кафедрасының оқытушысы, гуманитарлық ғылымдар магистрі Саржаев Олжас Тілебалдыұлы.

Республикалық пәндік олипиадаға 11 жоғары оқу орындары қатысты. Атап айтсақ, Қ.А.Ясауи атындағы Халықаралық қазақ-түрік университеті, Ш.Уәлиханов атындағы Көкшетау университеті, Е.А.Бөкетов атындағы ҚарМУ, Еуразия гуманитарлық институты, І.Жансүгіров атындағы Жетісу университеті, М.Әуезов атындағы ОҚУ, Павлодар педагогикалық университеті, Халықаралық Тараз инновациялық институты, Қазақ Ұлттық қыздар педагогикалық университеті, С.Аманжолов атындағы ШҚУ, Қорқыт ата атындағы Қызылорда университеті.

Халықаралық Тараз инновациялық институтының «Филология» кафедрасына қарасты 3 курс студенттері өз білімдерін дәлелдеп, жүлделі ІІІ орынды иеленді. Студенттер Сулейман Демирель университетінің сертификатымен марапатталды. ҚР Білім және ғылым министрлігінің алғыс хатымен марапатталмақ.

«АDAL BOL QUEST»

Студент жастардың бойында сыбайлас жемқорлыққа қарсы сана мен мәдениетті, парасаттылық пен азаматтық ұстанымдарды қалыптастыру, Сыбайлас жемқорлық құбылыстарына төзбеушілікті және қарсы әрекет ете білуге тәрбиелеу мақсатында Халықаралық Тараз инновациялық институтында кезекті «АDAL BOL QUEST» квест ойынының 3 туры өткізілді.

Естеріңізге сала кетейік, ойынға «Шығармашылық мамандықтар» факультетінен «Әділет қырандары» командасы, «Педагогика» факультетінен «Моney» командасы, «Экономика және бизнес» факультетінен «Адал ұрпақ» командасы, «Заң» факультетінен «Жемқорлыққа қалқан боламыз» командасы, «Жаратылыстану» факультетінен «Алға» командалары бақ сынауда.

3 кезеңінің қазылар алқасының құрамы: Сыбайлас жемқорлыққа қарсы іс-қимыл агенттігі Жамбыл облысы бойынша департаменті төрағасының 1-ші орынбасары Төлебаев Р.Қ., Жамбыл облысы, Жас Отан жастар қанатының төрағасы Болатбек У.Б., Тәрбие және әлеуметтік жұмыстар жөніндегі проректор Құлабекова Г.Қ., Жамбыл облысы әкімдігінің жастар саясаты мәселелері басқармасының Жастар ресурстық орталығының директоры Таутен А.Қ., Имидждік жұмыстар және қоғаммен байланыс секторының жетекшісі Бекназаров Б.А.

3 - кезең бойынша ұпай сандары:

1) «Әділет қырандары» 71 ұпай

2) «Моney» 57 ұпай

3) «Адал ұрпақ» 74 ұпай

4) «Жемқорлыққа қалқан боламыз» 92 ұпай

5) «Алға» 75 ұпай